Hrein eign samtryggingardeildar Birtu var 549.755 milljónir króna í árslok 2021. Hrein nafnávöxtun samtryggingardeildarinnar var 15,4% á árinu sem samsvarar 10,1% raunávöxtun
Myndin sýnir vöxt eigna samtryggingardeildar á árinu 2021. Í upphafi árs stóðu eignir í 472.090 milljónum króna. Þá námu iðgjaldagreiðslur á árinu 2021 18.615 milljónum króna. Á móti var greiddur lífeyrir að fjárhæð 14.197 milljónir króna. Nettóinnflæði til deildarinnar nam því 4.418 milljónum króna á árinu. Þá námu hreinar fjárfestingartekjur yfir þetta tímabil 74.023 milljón króna og rekstrarkostnaður 776 milljónum króna. Í árslok 2021 stóð hrein eign deildarinnar í 549.755 milljónum króna og hækkaði því á milli ára um 77.666 milljónir króna eða um 16,5%.
Taflan sýnir nafn- og raunávöxtun helstu eignaflokka samtryggingardeildar á árinu 2021
| Raunávöxtun |
| 2,2% |
| 3,2% |
| 3,1% |
| 2,4% |
| 1,5% |
| 29,0% |
| 13,7% |
| 19,9% |
Taflan sýnir hlutfallslega skiptingu helstu eignaflokka samtryggingardeildar Birtu og fjárhæðir þeirra, annars vegar í árslok 2021 og hins vegar í árslok 2020
| Í árslok 2021 | Í árslok 2020 | |||
| Í milljónum kr. | ||||
| 8.031 | ||||
| 77.071 | ||||
| 16.873 | ||||
| 8.583 | ||||
| 28.987 | ||||
| 101.893 | ||||
| 58.623 | ||||
| 140.574 | ||||
| 29.493 | ||||
| 162.194 |
Hrein eign séreignardeildar var 19.561 milljón króna í árslok 2021 og jókst um 1.819 milljónir króna frá fyrra ári. Þá námu lífeyrisgreiðslur deildarinnar 779 milljónum króna á árinu 2021
Sjóðurinn býður upp á þrjár mismunandi sparnaðarleiðir í séreignardeild. Þær eru innlánsleið, skuldabréfaleið og blönduð leið. Í blönduðu leiðinni eru bæði skuldabréf og hlutabréf á meðan eignir skuldabréfaleiðarinnar eru nánast eingöngu skuldabréf auk lítils hluta innlána. Þá eru eignir innlánsleiðarinnar, eins og nafnið gefur til kynna, einungis innlán.
Nafn- og raunávöxtun leiðanna á árinu 2021 ásamt 5 og 10 ára meðaltali hreinnar raunávöxtunar má sjá hér fyrir neðan.
Hrein eign tilgreindrar séreignar var 2.234 milljónir króna í árslok 2021 og jókst um 672 milljónir króna frá fyrra ári. Þá námu lífeyrisgreiðslur deildarinnar 36 milljónum króna á árinu 2021.
Nafn- og raunávöxtun leiðarinnar á árinu 2021 ásamt 5 ára meðaltali hreinnar ávöxtunar má sjá hér fyrir neðan.
Tilgreind séreign er sérstök tegund séreignarsparnaðar. Þar geta sjóðfélagar valið að ráðstafa allt að 3,5% skylduiðgjaldsins í séreignarsjóð. Innistæða í tilgreindri séreign er eign þess sem leggur hana fyrir og um hana gilda sömu reglur og um hefðbundna séreign hvað íslensk erfðalög varðar, þ.e. tilgreind séreign erfist við fráfall.
Frá og með áramótum 2021/2022 geta sjóðfélagar Birtu í tilgreindri séreign valið á milli þriggja sparnaðarleiða er taka mið af aldri, eignastöðu og viðhorfi til áhættu. Þetta eru sömu sparnaðarleiðir og tilheyra hinni hefðbundnu séreign, þ.e. hrein innlánsleið, skuldabréfaleið og blönduð leið skuldabréfa og hlutabréfa.
